ORANJESTAD (AAN) - Trinticinco aña pasa Onderlingehulp a cuminsa na nos islanan.
Onderlingehulp ta e unico asegurado di entiero cu banda di e permiso duna dor di CBCS pa Corsou y Sint Maarten, tambe tin permiso di DNB pa por opera na Boneiro.
Na aña 1986 a lanta Onderlingehulp, e specialista den e area di seguro di entiero. Onderlingehulp a ofrece diferente pakete di seguro pa entiero pa cada cartera y nan tin oficina na Corsou, Boneiro y Aruba.
Onderlingehulp ta traha segun su moto “Bo ultimo deseo ta nos prome preocupacion. Respet pa e sentimento y deseo di e defunto y su famia, ta concepto cu nos ta familiarisa cune. Den caso di morto un yamada na Onderlingehulp ta suficiente pa descarga e famianan di tur loke necesariamente mester ta regla. Den esaki Onderlingehulp ta traha hunto cu tur agencia funeraria.”
For di 2018 Onderlingehulp ta usa ‘Oswin’ den su campañanan.
Oswin huntu cu su mama y amigonan pa medio di videonan anima cortico, na medionan social, ta duna informacion tocante Onderlingehulp.
Den e videonan ‘Oswin’ por ehempel ta conta tocante e bentahanan di seramento di un seguro na Onderlingehulp: un compania finansieramente solido, cu cobertura rond mundo, mucha ta sigura gratis huntu cu su mayornan, nada di letter chikito den contrato, anto e posibilidad pa por paga e prima den un biaha.
Pa celebra su aniversario den luna di Mei, Onderlingehulp lo bin cu algun promocion.
