ORANJESTAD (AAN): Ombudsman, mr. Jurima Bryson, a entrega recientemente e Rapport Anual 2024 na presidente di Parlamento di Aruba.
E rapport anual ta duna un relato di e desaroyo di Bureau Ombudsman durante e prome aña di e institucion.
Dia 8 di Juli 2024, Parlamento di Aruba a nombra señora Bryson como prome Ombudsman di Aruba. Dia 1 di October 2024 el a wordo huramenta oficialmente.
Den 2024 a traha riba e base organizatorio y administrativo di e Bureau. Tambe a desaroya un procedemento di keho y a cuminsa prepara varios sistema digital pa por brinda un servicio accesibel na comunidad.
Como 2024 tabata un aña di inicio, Bureau Ombudsman ainda no tabata operacional pa trata kehonan formalmente. For di 2025, e enfasis a pasa pa e implementacion di e tareanan legal, mas profesionalisacion y aumenta e visibilidad di Ombudsman.
E Rapport Anual 2024 ta disponibel via website di Ombudsman na www.ombudsman.aw.
