ORANJESTAD (AAN): Departamento Meteorologico di Aruba a informa riba e situacion general di tempo pa e proximo oranan.
Un ola tropical ta moviendo den parti oost di Caribe y lo combina cu un disturbio den nivelnan mas halto di atmosfera pa trece humedad y instabilidad den area. Temporalmente mas nubia lo bai pasa riba region local cu un awacero pasahero te breve localmente cu tambe un chance chikito pa lamper cu strena.
Condicionnan maritimo/ estado di lama: Ta spera un estado di lama leve na partinan proteha, y modera na partinan zuid.
Na partinan oost te noordwest lama lo ta generalmente modera cu olanan entre 3 pa 5, localmente 6 pia.
Tormenta tropical Ida tabata situa west-zuidwest di Jackson, Mississippi y ta move noord. Ida no ta un peliger pa region local.
Depresion tropical nr. 10 a sigui desaroya y a bira tropical storm Kate. Kate tabata situa
noordoost di islanan ariba y ta move noord. Kate ta solamente un estorbo pa navegacion
maritimo.
Un ola tropical cu un area di presion abou ta saliendo for di costa di Africa pa move riba
Atlantico oost, tin un chance grandi pa sigui desaroya y bira un ciclon tropical den proximo 48 ora.
