ORANJESTAD (AAN): Un ola tropical ta moviendo den parti oost di Caribe y lo trece un poco di humedad den curso di e periodo di pronostico aki.
Principalmente den oranan di marduga y mainta di diabierna, lo por haya localmente algun awacero breve.
Concentracion di Stof di Sahara
Concentracion varia di e stof di Sahara den region lo stroba visibilidad y trece aire di calidad poco abou. Hendenan cu tin sensibilidadnan respiratorio ta wordo pidi pa tene cuenta cu esaki.
Condicion Maritimo y Estado di Lama
Na partinan proteha di costa, lama lo ta keto rond di 1 pia. Na partinan zuid, e lama lo ta trankil te modera entre 2 pa localmente 3 pia. Na partinan oost te noordwest di costa, e lama lo ta generalmente modera cu olanan alrededor di 4 pa 6 pia, localmente 7 pia.
Aviso pa Operadornan di Boto Chikito
Operadornan di boto chikito ta wordo avisa pa bay cu cautela na partinan oost te noordwest di costa y lama habri debi na e biento relativamente fuerte cu ta causa lama localmente poco bruto.
Fenomenonan Special y Tempo Tropical Significante: Ningun fenomeno special ni tempo tropical significante ta pronostica.
Potencial di Awacero pa Proximo 24 Ora: E potencial di awacero pa e proximo 24 ora ta 1 te 3 mm; localmente esaki por varia.
Registracion di Temperatura y Awacero (Ultimo 24 Ora, 8'AM pa 8'AM)
Airport: Max 34 / Min 28 / 0.0 mm
Westpunt: Max 33 / Min 28 / 0.0 mm
Sta Rosa: Max 34 / Min 28 / 0.0 mm
Pronostico di Tempo pa Proximo 3 Dianan
Tempo lo ta parcialmente nubla y heiig cu localmente un awacero. Biento lo ta modera te basta fuerte, fuerte te duro den rafaga y for di direccion oost. Temperatura (grado Celsius) max / min lo ta: 34 / 28.
