ORANJESTAD (AAN): Bista di National Hurricane Center ta sigui keto bay riba un Disturbio cu tin net pariba di e islanan di Caribe.
E cantidad di yobida cu lamper y strena den e zona ey, no a cambia hopi compara cu ayera.
E ta sigui move direccion pabao cu 24 pa 32 km/h, y e lo por cuminza desaroya den e siguiente dianan. Posiblemente ora di yega den Lama Caribe e lo por haya mas forza.
Segun e pronostico, e lo bay ta pasando den Lama Caribe den cercania di Aruba. Pero unda preciso ainda no por bisa, como cu te ainda no a nota un circulacion claro. Hecho si ta cu e ta consisti di un area masha grandi mes di nubia.
Pa Diaranzon y Diahuebs, e Disturbio aki lo bay ta pasando den e vecindario aki di Aruba, kizas como un Ola Tropical bastante activo.
