NV ELMAR ta recorda esnan cu ta tira klapchi:
ORANJESTAD (AAN): NV ELMAR ta haci un yamado importante na esnan cu ta tira klapchi durante dianan di fiesta, pa por fabor nunca cende vuurwerk of tira klapchi cerca di wayanan di tension halto.
Liñanan di coriente ta transforma y distribui electricidad di voltahe halto cu por ta peligroso si yega den contacto cu esaki. Ademas, klapchi por daña e liñanan di coriente y provoca un storing ora cu mas mester di coriente.
Si tuma e precaucionnan necesario, por sigura cu e celebracionnan di Aña Nobo lo por ta sigur y agradabel pa tur hende.
