ORANJESTAD (AAN): Hopi experto ta bisa, cu bo por gana loteria haciendo uso di bo intuicion. Y esey ta loke Ulrich a haci tambe.
Den dia el a mira numbernan imprimi riba un Shirt. El a corda e numbernan, y a bay cumpra nan pa sorteo di Zodiac.
Aki el a pone e numbernan, y a agrega un signo zodiacal. Di e forma ey ya e tabata den wega.
El a bira feliz pa mira cu el a gana tambe! Pesey den oranan di mainta el a acudi na oficina di Lotto na Playa pa asina reclama su premio.
Despues cu funcionarionan di Lotto a revisa su ticket, a scan e barcode den computer. Inmediatamente a ricibi confirmacion cu Ulrich a gana 25.000 Florin cu e sorteo di Lotto Merdia.
Mesora a start cu e proceso pa transferi e premio electronicamente pa su cuenta di banco. Ulrich a indica cu e ticket ganador el a cumrpa na Flores Lottery.
