Den tempo di antes Aruba tabata tin hopi mondi y tabata comun cu blachi di tuna por keda pega na bo pia of curpa di bestia.
Hunto cu e blachi di tuna tambe nayo tabata keda pega na e curpa.
Pa kita nayo di curpa nos grandinan tabata raspa e parti di curpa cu un piedra chikito.
Hopi biaha stof tambe ta bula rond y e stof ta drenta wowo di un hende of mucha.
Pa esaki nos bieunan tabata coi un lenso y ta lora e puntanan. Ta hunta un tiki scupi ariba e lenso y ta trata di saca e stof for di e wowo.
Si esaki no logra ta bay cerca di cas y ta coi dos of tres simiya di yerb' i hole y ta tira esaki den e wowo. Den un rato di ora e simiya di yerb'i hole ta saca e stof.
Por pasa cu nayo ta bay den wowo di hende y ta keda pega. Esaki por resulta hopi iritante. Nos Arubiano di antes ta bay cerca curioso y e persona aki cu su lenga tabata saca e nayo for di e wowo.
Tabata tin mas hende cu tambe tabata saca nayo cu nan lenga for di wowo di hende. Ta esun cu sa sa!
Compila pa Roberto Croes
Nos Historia Nos Herencia
