Demanda pa Mercado di Santa Rosa ta sigui crece:
ORANJESTAD (AAN)-- Directora di Departamento di Agricultura, Cria y Pesca, señora Nathalie Maduro, den entrevista cu Matutino DIARIO a referi na e mercado di Santa Rosa cu, manera ta conoci, antes tabata wordo teni un bez pa luna, pero pa peticion di Minister cu a bin cu e iniciativa di tine tur Diasabra.
“Te na e momentonan aki nos ta puntra e bendedornan tur siman con ta bay, nos ta wak cu tin un variedad di producto, apesar cu awa no ta yobe mucho, mi ta wak cu hopi hende ainda ta produciendo riba nan mesun forza, sea cu awa di WEB, of ainda nos tin algun dam cu nos por yuda e cunukeronan cune.
Pero cu locual cu ta e mercadonan mes, ya el a crea eigenlijk un presencia, pues vooral e hendenan grandi cu sa cu tur diasabra nan por bin Santa Rosa, compra webo na un prijs mas economico, lechuga of diferente otro berdura, azeta di coco, entre otro.
“Locual si, nos ta puntra semper ta, ora cu nan no tin suficiente producto laga nos sa, y un manera cu comunidad por wak semper cu tin mercado, y un manera cu comunidad por wak semper ora cu tin mercado of no, nos saca un flyer y pone informacion riba facebook, pero nos tin un borchi tambe cu nos ta pone banda di caminda”, Nathalie Maduro, director di LVV-Santa Rosa, a señala.
