ORANJESTAD (AAN): Tin biaha bo no sa ki number pa cumpra pa un wega.
Pero e machinenan di Lotto ta dunabo e opcion, pa laga e machine mes haci uso di su capacidad di ‘random number generator’, pa asina e mes inventa un number pa bo ticket.
Esey ta loke Nicole a haci tambe! El a cumpra su numbernan loco pa e sorteo di Zodiac. Y el a keda contento ora el a nota cu su numbernan y e signo a sali tambe.
Pesey riba Diahuebs el a acudi na oficina di Lotto na Playa pa reclama su premio. Nicole a entrega su ticket cu tabata inclui su firma y su numbernan di cuenta di banco. Ora cu a scan e barcode den computer, esaki a confirma cu Nicole a gana 12.500 Florin cu e wega di Zodiac Merdia.
Mesora a start e proceso pa transferi e premio electronicamente pa su cuenta di banco. Nicole a indica cu e ticket ganador el a cumpra na Mega Jackpot Paradera.
