ORANJESTAD (AAN): Manera DIARIO a trece dilanti, e siman aki un delegacion di Aruba tabata na e waf di Jacksonville na Florida,
conoci como JaxPort. Aki nan a firma un MOU cu e Board of Directors. Un momento grandi y historico pa Aruba Ports Authority y pa e isla.
JaxPort ta e waf di mas grandi di henter e estado di Florida. Cu e MOU aki Jaxport ta bira un partner strategico hopi importante pa pais Aruba. Minister Oduber a indica cu e negociacionnan pa yega na un acuerdo entre JaxPort y APA ya caba a cuminsa 3 aña pasa prome cu e pandemia.
Minister Oduber a sigui bisa cu e acuerdo aki ta bay haci posibel pa explora posibilidadnan pa exporta carga for di Jacksonville. E intencion tambe ta pa crea un ruta nobo pa Turismo Crusero y explora e posibilidadnan pa haci inversionnan den nos puerto.
Despues di casi 3 aña di negociacionnan virtual, na januari di 2023 un delegacion di Jaxport a bin Aruba pa prome biaha pa wak nos puerto nan. Nan a mira con nos infrastructura ta y tambe nos facilidadnan y nan a keda masha impresiona di locual Aruba por ofrece. Despues di e encuentro aki Gobierno di Aruba a draft un MOU cu a worde negosha y discuti riba dje.
Minister Dangui Oduber ta sumamente contento y agradecido pa tin un partner strategico grandi manera Jaxport, nos mester ta orguyoso con un pais chikito ta logra sera acuerdonan asina grandi,
