ORANJESTAD (AAN) – Den conferencia di prensa di Gobierno, Diaranzon ultimo, Minister di Enseñanza y Deporte, señor Endy Croes, a elabora riba diferente tema di enseñanza.
Riba e tema di restructuracion di OAA, e mandatario a reitera cu na Februari 2023 lo cuminza cu e opleiding di Algemene Administratie Medewerker, nivel II y III, y otro opleidingnan di Monteur nivel II y III, y den tapara tin un ICT cu lo inicia na Februari proximo, riba nivel III cu ta un nivel hopi aceptable di MBO.
E mandatario a agrega cu e opleidingnan di OAA, por varia entre seis luna te cu dos aña, depende e rechting cu e studiante ta bay, maximo cuater anochi pa siman, y cuatro les di 45 minuut y esaki tambe ta encera un pasantia pa e studiante haya su diploma.
