ORANJESTAD (AAN): Algo cu a bira hopi popular hopi tempo, ta esnan cu ta ofrece ‘Garage Sale’ na nan cas, y ta bin nota cu tin un grupo di fanatico
cu specialmente den fin di siman ta dedica nan mes pa bishita e casnan aki pa asina busca forma pa wak si nan lo por haya deal unico riba mercancia, y tin biaha hasta articulo valioso.
Tin hopi hende interesa den cumpra articulonan segunda mano, y pesey mes bo ta haya un aglomeracion di hende ora cu tin actividad di garage sale den barionan.
Varios persona ta interesa den haya mueble grandi, tambe aparato pa cushina. Hopi biaha bo ta haya set di servies cu ta un beyeza, pa bo agrega na bo coleccion. Tambe bo por cumpra articulo si acaso bo ta habri un oficina na bo cas, manera pen, paperclips, etc.
Obra di arte tambe ta uno caminda bo ta haya chens di topa cu trabaonan local, cuadra traha pa artistanan di Aruba mes. Si acaso e frame ta mahos of bieu, bo por djis pone un frame nobo na dje.
Tin hopi hende cu ta bay pa busca prenda, herment pa haci trabao riba auto, y tambe paña. E ta algo cu na Aruba tambe ta hopi popular mes.
Riba e potret aki por mira un Garage Sale teni unda cu constant tabatin hende buscando algo pa cumpra.
