ORANJESTAD (AAN): Orlando a acudi na su rebendedor preferi pa cumpra su numbernan di suerte pa e sorteo di catochi.
Y el a bira contento pa mira cu su numbernan a sali.
El a gana 4.510 Florin cu e wega di Catochi Merdia. Sinembargo como cu el a hunga cu Multi-X, y e dia ey e bolita di X3 a sali, esey nifica cu el a multiplica su premio 3 biaha.
Na oficina di Lotto na Playa riba Dialuna, nan a confirma cu Orlando a bay cu e premio total di 13.530 Florin. Mesora nan a transferi e premio electronicamente pa su cuenta di banco. Orlando a indica cu e ticket ganador el a cumpra na JR II Lottery and Snack.
