ORANJESTAD (AAN): El a acudi na su rebendedor di Lotto pa cumpra su numbernan di suerte pa sorteo di Catochi.
Miguel tabatin hopi suerte, como cu su numbernan a sali, y asina el a gana 2.000 Florin pa Catochi.
Sinembargo como cu Miguel a hunga cu Multi-X, y e bolita X5 a sali pa e sorteo, esey a nifica cu el a multiplica su premio cu 5 biaha! Envez di gana 2.000 Florin, el a bay cu e premio total di 10.000 Florin.
El a presenta na oficina di Lotto na Playa pa reclama su premio. A revisa e ticket y scan esaki, y e computer a confirma cu Miguel a gana 10 mil.
Mesora a sigui cu e proceso pa transferi e premio electronicamente pa su cuenta di banco. Miguel a indica cu e ticket ganador el a cumpra na Lucky Lotto Corner.
