ORANJESTAD (AAN); E dama Jermira a acudi na su rebendedor preferi, y a cumpra su numbernan di suerte pa sorteo di Catochi Merdia.
Y ora el a check e resultado, el a ripara cu el a gana tambe.
Pesey riba Diamars el a acudi na oficina di Lotto na Playa pa reclama su premio. Aki nan a revisa su ticket pa check si el a pone su firma, y ora di scan e barcode, e computer a indica cu el a gana 8.800 Florin cu e sorteo di Catochi Merdia.
Sinembargo debi cu Jermira a hunga e wega cu Multi-X y net e dia ey a sali X2, esey nifcia cu el a multiplica su premio 2 biaha, y a bay cu e premio total di 17.600 Florin.
Mesora a start e proceso pa transferi e premio electronicamente pa su cuenta di banco. Jermira su ticket ganador a wordo cumpra na Lucky Dragon 2.
