BOGOTA: Autoridadnan a detene y encarcela tres muher transgenero cu ta yama nan mes ‘La Costeña’, ‘La Mona’, y ‘La Diabla’,
cu ta pertenece na un grupo di delincuente cu yama ‘Los Toxicos’, dedicando nan mes na comete atraco na Bogota.
Cu peluca y pañanan yamativo, e delincuentenan aki tabata comete atraco door di usa cuchiu pa intima nan victimanan y kita nan pertenencianan, segun e investigacion haci door di Atraco Team di Polis na Bogota, cu yudanza di Polis Hudicial Sijin.
Un di e victimanan, a bisa Polis cu nan a spuit un liquido cu ta consisti di amoniaco cu gasolin y awa den su cara. E victima ta Luis Soler, un actor Colombiano kende anochi laat banda di 11:00 pm a wordo acerca pa e hendenan transsexual aki, y nan a spuit un quimico riba su cara pa asina a horta su smartphone y su cartera.
Polis awor tin e delincuentenan wanta, y esnan deteni cada uno nan nomber di berdad ta Adolfo Jose Leon Calvo, Yonder David Blanco Chavez, y Mayker David Constante Orozco. A confirma cu nan ta envolvi den por lo menos seis atraco.
