MEXICO CITY: “E tabata wak mi casa!” Esey ta loke un muher mexicana hopi jaloers a bisa pa defende su mes,
despues cu el a ataca violentamente un mucha muher menor di edad, den un Centro di Mercado Popular na ciudad di Puebla.
Awor un ola di reaccion for di tur skina di Mexico ta condenando e muher. Tur hende na Mexico a cuminza yame pa ‘La Toxica’.
E muher a kere cu e criatura di 12 aña tabata wak su casa. E muher ta asina jaloers cu ken cu ta cu mira su esposo, ta pone haya rabia. Hasta cu mucha chikito cu tin un trabao na un negoshi di Taco eynan.
Hopi ta lamenta cu ora cu e muher a ataca e mucha muher chikito y kibra su nanishi, cu varios hende no a stop e di sigui manda golpi. Ni e casa a haci algo.
Ta e bendedornan den e Centro a core bula riba e muher pa stop e. E muher a wordo identifica como Maribel N., kende a wordo wanta te ora cu Polis a yega pa asina nan entrege. Autoridadnan a aresta e muher y a bay cune pa Ministerio Publico.
Comerciantenan na e Centro di Mercado a bira furioso ora cu nan a haya sa e motibo pakico e muher aki a ataca e mucha menor di edad. Nan mes a core skirbi riba nan social media, cu e muher ey ta ‘Toxica’. Awor por mira con leu e nivel di celos ta yega.
Parce cu e Comerciantenan ta tumando medida y lo kier pone e muher y su casa riba blacklist pa nan no por drenta e lugar mas. Ademas tin mas comerciante na Puebla cu tambe kier haci algo similar cu nan negoshi, y pone nan dos riba blacklist. Pasobra ningun hende lo kier e pareha den nan tienda, pasobra si acaso bo tribi di wak e casa... bo lo por haya golpi sin spera.
Riba e potret por mira e muher celoso den circulo blanco.
