BRASILIA: Polis na Brasil recientemente durante un control riba trafico pasando den ciudad di Rondonópolis,
a detene un muher procedente di Suriname. Esey ta pasobra a bin descubri un cargamento di 1 kilo di cocaina den su maleta.
E control di trafico a ser haci riba un Bus, y e muher tabata viahando den esaki rumbo pa Cuiabá.
Ora cu nan a para e Bus, Polisnan a usa un cacho anti-droga pa asina rista e espacio di maleta di e Bus. E cacho a bati alarma na un maleta color preto. Ora cu a haci investigacion, a sali na cla cu esaki ta di e muher procedente di Suriname.
E maleta a wordo habri, y ora di inspecciona esaki a haya 1 kilo di cocaina den dje. E muher a keda deteni, y hiba pa Warda di Polis di Rondonópolis unda el a keda encarcela.
Rondonópolis ta situa na como 2.100 kilometer leu for di e frontera cu Suriname.
