SAN CRISTOBAL: Un muher a wordo deteni cu como mey kilo di cocaina den su stoma.
E detencion a ser haci pa Forza Arma Nacional Bolivariana, na pueblo Vega de Aza na municipio Cordoba na estado Tachira.
E muher a yega for di Colombia cu 42 bolita den su stoma, y su meta tabata pa entrega tur esaki na un pareha na estado Portuguesa.
Ora cu autoridad a papia cu e muher, el a bira hopi nervioso mes y tabata haci hopi raro. Asina a dicidi na intensifica e interogacion, y na final e muher a basha abao cu e tin droga scondi den su stoma.
Nan a pone bay saca nan via natural, y na final a pisa e droga. E tabatin peso di 580 gram.
Autoridadnan na estado Portugues tambe a actua y a bay detene e pareha cu ta wardando riba e droga. Pasobra nan no tabata sa mes cu e narcomula a wordo deteni na estado Tachira.
