Peace Poster contest...
ORANJESTAD (AAN): One Happy Island Lions Club, un biaha mas ta organisando e competencia annual di pintamento di Lions International.
Ya pa mas di 30 aña Lions International ta organisando e Peace Poster contest mundialmente, aki na Aruba, nos di One Happy Island Lions Club ta organisando e evento aki pa di 4 biaha.
One Happy Island Lions Club kier invita hobenan entre 11 pa 13 aña, pa participa na e mainta di pintamento aki cu lo tuma luga riba Diasabra 26 di October di 9:00 am pa 2:00 pm na Centro di Bario Kibrahacha.
E tema pa e aña aki ta: “Peace without Limits.” E rekistonan pa participa ta lo siguiente: (*) Competencia ta habri pa tur mucha entre 11 y 13 aña, naci entre 16 di november 2010 y november 15, 2013. (*) Participacion ta completamente gratis. (*) Inscripcion adelanta ta necesario y haci esaki na e website aki:
DIARIO a haya sa cu ultimo dia pa inscribi ta Diaranson awor, 23 di October 2024
Tur mucha lo ricibi durante e mainta aki di pintamento algo di come y bebe. Tur material pa pinta lo ta cortesia di One Happy Island Lions Club. Pintura ganador ta bira propiedad di One Happy Island Lions Club. Exhibicion y anuncio di ganadornan y otorgamento di premio lo tuma lugar den luna di December.
