ORANJESTAD (AAN) – E sector di Mobilario a registra e aumento di prijs mas grandi durante juni 2026, cu un subida di 5.0%, segun cifranan publica pa Oficina Central di Estadistica (CBS).
Dentro di e sector aki, e mayor aumentonan a wordo observa den:
Aparatonan pa uso domestico (+8.1%)
Herment y ekipo pa cas y hardin (+16.9%)
Tambe e sector di Transporte a subi 1.0%, principalmente door di un aumento di 2.2% den e gastonan relaciona cu uso di vehiculonan personal.
Na otro banda, Comunicacion a registra e mayor reduccion mensual (-3.8%), principalmente door di un caida di 32.8% den prijs di ekiponan di telefon y fax.
Entre e categorianan cu mas a influencia e CPI tabata:
Positivo
Gasto pa vehiculo personal
Aparatonan domestico
Herment pa cas y hardin
Cuido personal
Negativo
Ekipo di telefon y fax
Servicio di alohamento
Paña
Productonan duradero pa recreacion.
