CARACAS: Rafael Sanchez, kende ta Mister Handsome Venezuela 2021, a perde su titulo segun e organizacion di e certamen masculino a laga sa via nan account di Instagram.
E organizacion a splica cu nan a kita e titulo di e persona pa motibonan laboral y profesional, cu ta pone cu e no por sigui cu su trabao despues di e concurso. Sinembargo nan no a duna detaye mas extenso riba e asunto ey.
Pesey nan ta informando Sanchez, cu bao di ningun circunstancia e no mag di usa e sjerp cu ta identifik’e como Mister Handsome Venezuela 2021, segun e relato.
E organizacion a bisa, cu nan a nombra awor e hoben Miguel Rodriguez, kende awor lo ta encarga pa representa Venezuela na e certamen internacional cu lo tuma lugar aki poco tempo na Colombia.
Nan a bisa tambe cu Kieffer Pire lo bay haya e titulo di Mister Handsome World 2021, y Exley Aguilera lo wordo instala como Mister Handsome International 2021.
