Celebrando e di15 Miss Teen Aruba International
ORANJESTAD (AAN): E organisacion local di GLW Foundation ta den pleno preparacion pa Miss Teen Aruba International 2024. E aña aki celebrando 15 aña di certamen unda cu durante añanan Miss Teen Aruba International a sa di demostra cu e comision ta traha den e mihor formacion di e candidatanan y e logronan durante e ultimo 17 añanan aki cu George Winterdaal como Presidente pa e prueba di e trabao cu e candidatanan.
Paisnan unda e candidatanan a bay carga nomber di Aruba ta e.o. Republica Domincana, Panama, El Salvador, Bahamas, Guatemala, Costa Rica, Nicaragua, Honduras, Colombia, Bulgaria y mas.
DIARIO a nota cu desde cu George a tuma e presidencia di Miss Teen Aruba y despues Miss Teen Aruba International a usa e lema “Algo mas cu un certamen di beyeza” y tur aña ta organiza diferente proyectonan.
GLW Foundation ta haci e.o Cupcake di Speranza, Un man pa nos ruman, Feed the Kids y tambe un sin fin di actividadnan caritativo cu e candidatanan. E commission organizador ta sigur prepara e candidata cu tur equipo necesario pa asina por yude den su desaroyo pa futuro. Hopi candidatanan di Miss Teen Aruba International despues a sigui participa den otro Plataformanan manera Reina Hispanoamericana, Miss International, Miss World y Miss Universe.
Esnan cu kier participa: Si abo tambe kier participa, e proceso ta masha facil. DIARIO a haya sa cu e aña aki GLW Foundation a haci algun cambio masha interesante.
Si bo tin e edad di 15 pa 19 aña, y tin gana di biba un experiencia unico, y kier representa Aruba na nivel international? Bo kier amplia bo conocemento general y siña mucho mas di varios topico. Wel esaki ta bo chens pa participa.
Gastonan: Hopi biaha e preocupacion di Mayornan ta e gastonan halto cu no necesariamente ta asina, Mirando e situacion comision organizador e aña aki lo cobra un suma masha atractivo cu lo cubri basicamente tur gasto di a candidate pa e certamen oficial . E suma cu lo paga ta inclui e inscripcion di e candidata, trahe di baño pa anochi final (e aña aki lo trece trahe di baño back), Trahe di Baile di apertura, Trahe pa Entrevista cu Hurado, Sapato pa anochi final, Trahe di Gala ( diferente diseño ) pa anochi final, T-shirt Uniform pa e temporada).
Anochi di Informacion: Lo tin un anochi informativo pa tur mayor of hobennan cu ta desea di ricibi mas informacion di e competencia, esaki lo tuma lugar diabierna 12 April 2024 na Plaza Betico Croes di 7:00 pm pa 9:00 pm.
Si cualkier mayor ta desea mas informacion por yama libremente George Winterdaal na 561-6151 of Nurianne na 699-0840 y asina por ricibi tur informacion y detaye. Final di Miss Teen Aruba International lo tuma lugar Diasabra 13 di Juli den Renaissance Convention Center.
GLW Foundation a prepara un agenda di actividadnan creativo, social y educativo masha great mes cu hopi eventonan unda nan lo siña hopi pero tambe lo have fun y disfruta di e temporada 2024.
Riba e potret por mira Emilly-Anne Andrews, kende ta e actual Miss Teen Aruba 2023.
