ORANJESTAD (AAN): Informacion for di Den Haag, ta indica cu riba Diadomingo, Minister di Enseñansa y Deporte Endy Croes y Minister di Husticia y Asuntonan Social Rocco Tjon a yega Hulanda.
Minister Croes y Tjon a wordo ricibi na aeropuerto Schiphol pa Minister Plenipotenciario Suplente mr. Ady Thijsen.
Minister Croes ta na Hulanda pa un bishita di trabao y entre otro e lo atende (riba invitacion di Minister di OC&W Robbert Dijkgraaf), e “vierlanden overleg” riba tereno di Enseñansa y Cultura. Alavez minister Croes lo tin un encuentro cu studiantenan Arubiano.
Minister di Husticia y Asuntonan Social Rocco Tjon lo reuni cu su colega Hulandes Dilan Yeşilgöz-Zegerius y cu e minister pa Rechtsbescherming Franc Weerwind. Tambe e mandatario lo reuni entre otro cu functionarionan di Nationaal Cyber Security Centrum, Nationale Coördinator Terrorisme Bestrijding en Veiligheid y unidad di polis y prizon.
E potret ta cortesia di Arubahuis.
