ORANJESTAD (AAN): Riba Diahuebs mainta, Minister Wyatt-Ras encarga cu Salubridad Publico, a haci un bishita di trabao na departamento di Alfahulp na Wit Gele Kruis.
Durante e bishita, Ministro y esnan di WGK a dialoga tocante e servicionan cu Alfahulp ta ofrece y e balor di cuido personal na cas pa promove bienestar, independencia y un miho calidad di bida pa clientenan.
Alfahulp na Aruba ta ofrece sosten na cas cu cuido liviano na tur adulto mayor y esnan bibando nan so na cas. E ta dirigi pa yuda clientenan, unda cu nan mes no por haya yudansa di famia. Di e forma aki Alfahulp ta yuda nan keda biba mas confortabel na forma independiente na nan cas.
