ORANJESTAD (AAN): Manera anuncia algun tempo atras Minister di Economia, Comunicacion y Desaroyo Sostenibel di Aruba Sr. Geoffrey Wever
a sera un partership strategico cu e Comision di Economia di United Nations pa Latino America y Caribe (UN-ECLAC). E colaboracion aki tin como meta pa explora e potencial di sector Fintech y su impacto riba economia di Aruba.
Loke ta Sector Fintech: E sector aki ta inclui innovacion tecnologico den servicionan financiero. Esaki ta inclui avancenan di online banking, systema nan di haci pago online, di maneha inversion nan y mas. E tecnologia principal den Fintech ta blockchain y cryptocurrency.
Blockchain ta un grootboek digital descentralisa cu ta aumenta seguridad y transparensia di transaccion nan, mientras cu cryptocurrency ta e moneda digital cu ta ofrece maneranan nobo pa realisa transaccion nan y inversionan.
Beneficionan: Esaki ta e beneficio di Fintech pa Economia di Aruba:
(1) Cresimento Economico: Adoptando e innovacionan di Fintech por boost e sector di servicio financiero di Aruba, creanando oportunidad di negocio nobo y atrae inversionnan nobo.
(2) Mas eficiente: Fintech ta streamline transaccion nan financiero, reduce costonan, y mehora eficiensia entre empresa y consumidor.
(3) Inclusion Financiero: E innovacion di Fintech por ofrece mas accesesibilidad di servicionan finaciero na esnan menos afortuna, promocionando inclusividad y iqualdad economico.
(4) Competitivo Globalmente: Adoptacion di e tecnologia emergente aki lo posiciona Aruba como un economia cu ta pensa pa futuro y atrayendo negoshinan international.
(5) Maneho di Riesgo: Investigation profundo lo yuda Aruba pa identifica y mitiga riesgonan asocial cu tecnologia di Fintech, asegurando un ambiente financiero stabil y sigur.
Minister Geoffrey Wever a enfatisa, “Nos partership cu UN-ECLAC ta representa un paso crucial den usa e potencial di Fintech pa guia crecimento economico di Aruba.” El a finalisa bisando: “Nos ta compremeti pa uza y beneficia di e tecnologia aki, pa crea un economia mas inclusivo y robusto.”
