Lo tin un experto hulandes presente
ORANJESTAD (AAN): Dialuna mainta Minister Arends tabata tin e honor di ricibi orador renombra, señora Anne Mei The, cu ta un "bijzonder hoogleraar Langdurige Zorg en Sociale Benadering Dementie" na - Vrije Universiteit Amsterdam.
Señora Anne Mei lo ta dunando un charla informativo ariba e topico di demencia diahuebs 16 di februari unda lo comparti su conocemento valioso y ofrece un comprendemento mas profundo di e condicion aki.
Demencia ta un condicion progresivo cu ta afecta miyones di persona rond mundo, incluyendo nan famia y cuidadornan, tambe yama mantelzorgers. E condicion ta worde caracteristica door di disminucion di e funcion congitivo, cual ta inclui perdida di memoria, abilidad di lenguahe y e capacidad pa resolve problemanan.
Aunke e ta un problema mundial ainda ta keda hopi pa siña ariba e condicion. E obhetivo di e presentacion ta pa trece conscientisacacion riba e ultimo desaroyo y miho practica den cuido di esnan cu demencia.
Minister Arends ta invita tur profesionalnan den e veld di zorg, comunidad di Aruba cu ta interesa y specialmente esnan cu ta traha directamente cu nos adultonan mayor pa participa na e charla informativo unda lo tin oportunidad pa haci pregunta y intercambia pensamentonan. E charla lo tuma luga dia 16 di februari 2:00 pm pa 4:00 pm, y lo ta na hulandes y ta completamente gratis.
