ORANJESTAD (AAN): Diaranson 13 di April 2022, Minister di Transporte, sr. Ursell Arends a tene un reunion cu miembronan di Raad van Commissarissen nobo di Arubus N.V.
Den un ambiente ameno a intercambia idea nan como tambe e vision di e Ministerio di sr. Arends pa cu Arubus, Aruparking y Arutram. E Raad van Commissarissen a worde nombra dia 7 di April durante e aandeelhoudersvergadering
Un Raad van Commissarissen cu ta consisti di hendenan capasita y professional di diferente ramo den nos comunidad cu experiencia y concemento cu ta atribui na e trabaonan necesario cu lo mester worde ehecuta como miembro di e Raad van Commissarissen. E reto nan pa cu Arubus ta uno grandi pero e meta ta uno comun, cu ta pa e tres compania nan aki traha optimal y duna e servicio cu pueblo ta rekeri.
E Raad van Commisaris di Arubus ta consisti di: e siguiente personan; sr. Eric Tromp (Engineer/Business), sr. Dinesh Mahtani (Comerciante, Finance), sr. Ling Wong (Economista; experiencia amplio), sr. Henry Gregory Tromp (Engineer, Business Consultant) y sr. Demis Illis (Abogado, Presidente actual di RvC).
Minister Ursell Arends ta desea e Raad van Commissarissen di Arubus N.V hopi exito y ta expresa di tin pleno confianza cu hunto lo logra e metanan proponi y sobrepasa e retonan exsistente di e compania estatal.
