ORANJESTAD (AAN): Manera ta conoci, aña pasa a reuni cu APFA pa loke ta e construccion di e centro di husticia na ex-Codemsa na Cumana.
Despues e aerolinea Aruba Airlines a habri oficina eyden tambe.
Na 2022 e ley a worde aproba unanimamente pa asina e edificio aki worde comberti den un centro di husticia, caminda lo bay ubica diferente departamentonan hudicial hunto bou un solo dak.
A base di esaki, APFA a adkiri un "consultant" pa prepara ful e destaho pa cu e proyecto aki cual lo tuma luga dia 5 di april binidero, pa asina por scoge e compania cu lo bay ehecuta e proyecto aki.
Manera ta conoci, muy pronto lo bay construi un centro di husticia nobo na ex-Codemsa na Cumana, caminda lo bay ubica diferente departamentonan hudicial, entre otro; Bureau City Inspector, Inmigracion Aruba, CEA y KPA. Esaki, cu e meta pa introduci diferente funcionalidadnan nobo cu nos no conoce ainda den husticia, y na final di dia percura pa reduci gastonan di diferente huurnan cu tin andando na e momentonan aki
Despues di un proceso amplio caminda a involucra e diferente departamentonan y sindicatonan, APFA a prepara e destaho publico. Pa nan por logra esaki, nan a adkiri un consultant pa loke ta e parti di construccion, kende a prepara tur e documento y pinturanan pa e destaho por tuma luga. E destaho aki lo tuma luga dia 5 di april benidero, pa asina nan por scoge e compania cu ta bay percura pa e construccion di e centro di husticia nobo.
Manera a indica caba, e proyecto aki lo bay tin varios beneficio, cuminsando na e hecho cu ta bay paga menos na huur y ta bay tin condicionnan di trabao completamente nobo, mirando cu tur cos ta bay ta nobo den e edificio. Ta trata di un inversion di alrededor di 20 miyon Florin, pa asina e trabaonan pa cu e edificio nobo pa e centro di husticia, por inicia lo mas pronto cu ta posibel.
