ORANJESTAD (AAN): E siman aki, den un ambiente ameno Minister Endy Croes a reuni cu directiva di Fundacion Facilidadnan Deportivo (FFD).
DIARIO a compronde cu aki a trata diferente puntonan di interes general. Manera proyecto pa iluminacion pa BMX Track den Parke Curason Jaburibari como tambe e ultimo desaroyo den negociacionnan cu AVB/ FIFA pa algun proyecto sumamente interesante.
Ta asina cu Fundacion FFD ta trahando riba un plan di mantencion pa e parkenan y pronto lo presenta esaki na e mandatario di Deporte. Directiva di FFD a informa e mandatario cu e fundacion ta den proceso di reorganizacion.
E titular di Deporte a expresa cu e tabata un bon reunion na unda cu comunicacion, colaboracion, creatividad y pensamento critico pa resolve problema ta ingredientenan di competencianan di siglo 21 cual ta factornan hopi importante.
