ORANJESTAD (AAN): Ministerio Publico ta confronta problema pa atende cu criminalidad hubenil.
Tin un plan traha pero door di e scarcedad di personal specialisa na Reclassering, no ta hayando e resultadonan manera ta desea.
Lucha contra criminalidad hubenil: Ministerio Publico den su relato di aña 2025, ta mustra cu ta siguiendo un maneho pa atende debidamente cu e problema di criminalidad hubenil. E proyecto aki ta hiba e nomber (Het Alternatief) cu a cuminsa na 2023.
E proyecto aki ta wordo ehecuta door di Fundacion Reclassering y (Jeugdbescherming Aruba) cu tambe ta cay bou Reclassering.
Ministerio Publico ta satisfecho con e proyecto ta bayendo. E tres instancianan cu ta envolvi den e proyecto aki ta: Ministerio Publico, Reclassering y Jeugd- en Zedenpolitie (JZP).
Problema cu personal: Ta asina cu Ministerio Publico, Reclassering y JZP, a stipula un plan di maneho cu a drenta na vigor na 2025. Cada seis luna, ta evalua e plan di maneho riba su efectividad y si mester haci mehoracion.
Sinembargo, Ministerio Publico ta preocupa cu e hecho cu Reclassering ta confrontando scarcedad serio di personal cu por atende cu hobennan.
Ta asina cu Procurador General, na 2025 a haci un presentacion na Minister di Husticia di e plan di maneho aki y a mustra riba e problema di personal special cu por atende cu hobennan.
Ta di spera cu e mandatario lo duna e atencion necesario pa asina baha e cantidad alarmante di criminalidad hubenil cu Aruba ta confrontando
.
