Gobierno a contesta tur e preguntanan cu ainda a bin acerca
ORANJESTAD (AAN) – Diahuebs 6 di Juli awo, Parlamento di Aruba ta tratando e Ley di BBO na frontera. Previamente na su aprobacion, Minister di Finanzas, señora Xiomara Maduro, a menciona den un video, informando pueblo, riba e desaroyo, prome cu e debate publico. El a splica cu e Parlamentarionan a haci nan preguntanan, pa despues e dignatario bay over na contesta esakinan.
Na comienzo e mandatario a duna un update pa loke ta trata e preocupacionnan cu e gremio a trece dilanti sigur, na unda cu Diaranzon ainda tabata tin cartanan cu a wordo manda, y cu di biaha gobierno a contesta pa asina Parlamento por tin un bista completo con gobierno a trata locual ta preocupacionnan cu a wordo treci dilanti, pa gremio.
“Aworaki nos ta sigui cu e debate publico pa asina nos por contesta e preguntanan y asina e ora ey, introduccion di BBO na frontera por bira un realidad, dia 1 di Augustus proximo”, e mandatario a expresa.
