Minister Wendrick Cicilia a pidi cooperacion di tur partner den turismo

Minister Wendrick Cicilia a pidi cooperacion di tur partner den turismo

Vuelonan a cancela:

ORANJESTAD (AAN): Minister di Turismo, Transporte y Labor, mr. Wendrick Cicilia, a haci un apelacion urgente na hotelnan, resortnan, apartamentonan y otro proveedor di alohamento pa pone camber disponibel p’e pasaheronancu a keda pega na Aruba. E minister tambe a pidi taxistanan y companianan di transporte tambe pa brinda sosten adicional pa hiba e pasaheronan for di aeropuerto pa nan alohamento y trece nan bek ora nan vuelo nobo ta confirma.

Un problema di comunicacion den e sistema di control di trafico aereo na Merca a obliga Federal Aviation Administration (FAA) a pone un paro temporal riba salida di e vuelonan na nivel nacional. E interupciona afecta e operacion di vuelonan di y pa Aruba.

Segun e inventario operacional preliminar, tin 1.787 pasahero registrariba 12 vuelo di aerolineanan Mericano y Canades. Na momento di e inventario, dos vuelo a cancela, cu 362 pasahero entre nan. Ocho vuelo ainda tabata na aeropuerto y dos ta den ruta pa Aruba. E estimación preliminar a indica cu por tin mester di alrededor di 450 camber si tur pasahero den e inventario mester di alohamento, calculando cu un promedio di cuater persona pa camber.

Minister Ciciliata  pidi proveedor di alohamento cu tin camber disponibel pa informa e aerolineanan y Aruba Airport Authority cuanto cambernan por ofrece y pa cuanto persona. Na taxistanan y companianan di transporte cu por brinda servicio adicional, Minister Ciciliata pidi pa indica cuanto pasaheronan por transporta y na ki orarionan ta disponibel. E informacion aki por a yuda coordina e traslado di pasaheronan, specialmente famianan cu mucha, personanan mayor y pasaheronan cu mobilidad limita.