ORANJESTAD (AAN) – Minister Xiomara Maduro, como titular di Cultura, a bishita Archivo Nacional Aruba,
no solamente pa conoce e trabao pero tambe e personal cu ta haci e trabao importante di conserva, entre otro, tur documentacion cu tin di haber cu e cultura di Aruba.
“Esaki sigur, ta trabaonan importante cu hopi biaha nos no ta para keto riba e trabao di documenta tur locual ta pasa den nos pais, pa asina nos yiunan y e generacionnan cu lo sigui nan, tin e informacion akinan, pa nan por sa di unda nan ta bin, y tambe ora cu tin procesonan di tur locual ta importante pa nos pais, pa despues nos por bay bek y repasa e parti aki di nos historia”, Minister Xiomara Maduro a señala.
E dignatario a reitera cu enfasis cu tur e trabaonan aki ta wordo haci pa Archivo Nacional Aruba (ANA) y pesey, como minister encarga el a bishita ANA, pa ser a conoci cu nan, pa wak cual ta e retonan, pero mas cu claro pa wak con por yuda nan den e desempeño di nan importante trabao.
