ORANJESTAD (AAN) – Den e conferencia di prensa di Gobierno, Minister Glenbert Croes, titular di Labor, Energia y Integracion a anuncia e “Mision Ecuador”, cu Diabierna cu ta bin e lo emprende.
Tambe tabata presente e director di Utilities Aruba NV, señor Anthony Rojer, y Presidente di Hunta di Comisario di RdA, Edison Briesen.
Minister Croes a duna di conoce cu Diabierna awo un delegacion di Aruba, presidi pa su persona como Minister di Labor, Energia y Integracion, hunto cu señor Edison Briesen, Presidente di Hunta di Comisario di RDA, lo sali pa Ecuador pa seis dia.
Nan lo reuni cu gobierno di Ecuador y cu e Compania Nacional di Petroleo “Petro Ecuador”, den e esfuerzo continuo di gobierno di Aruba pa wak si por logra pa Aruba por cumpra HFO (Heavy Fuel Oil) of combustible pisa na bon prijs, cu e meta di baha prijs di di awa y coriente, pa e consumidor.
