ORANJESTAD(AAN): Minister di Enseñanza y Deporte Endy Croes recientemente tabata tin diferente reunion interesante.
Esaki e mandatario a bisa durante un conferencia di prensa Dialuna.
El a splica cu entre otro el a reuni cu docente di Papiamento y Decano na Colegio Arubano Ralph Croes, el a sinta den un bon reunion cu Magaly Brito y Edmundo Marlon di SEPPA.
Banda di esaki e mandatario a indica cu e tabata tin un reunion hopi extenso cu SKOA.
“Den diferente setting di reunion, hopi ta bin bek riba algun punto di prioridad cu nos ta buscando y lo percura pa tin solucion pa nan den un tempo cortico”, segun Croes.
E minister a duna tambe palabranan di pabien na Elvia Maduro Angela, un ‘werkster’ di SKOA cu a baha cu pensioen despues di 31 aña Diabierna ultimo.
E minister a felicita tambe Alfonso Steenen kende a cumpli 30 aña den servicio di Gobierno.
