Cu e meta di proteha e consumidor:
ORANJESTAD (AAN) – Minister Geoffrey Wever, Titular di Economia, a duna di conoce den un entrevista cu DIARIO, cu Fundacion Cas, cu tabata un 'Consumentenbond', for di hopi aña no ta activo mas ni ta hayando subsidio.
“ E organizacion aki no tabata funciona manera mester ta, y desde varios siman pasa, mi a bin cu e decision pa lanta un consumentenbond completamente nobo” e mandatario a splica.
Ya Minister Wevr a comunica esaki como parti di su maneho, y el a sinta caba cu Universidad di Aruba, den dos ocasion, cu un docente internacional riba derecho di consumidor pa yuda gobierno prepara e consumentenbond nobo. E trabao aki a cuminza y e meta pa aki pa e aña en curso, pa proteha e ciudadanonan den nan rol como consumidor. E dignatario ta haya cu esaki ta hopi importante.
