ORANJESTAD (AAN): Den su prome conferencia di prensa como minister di Enseñanza y Deporte, Endy Croes a papia un tiki riba su prome 4 dianan di trabao.
Prome cu el a haci esaki Croes a felicita seleccion nacional di damas di Aruba U-14 cu recientemente a titula campeon di futbol den Caribbean Union Football Challenge Series.
“Mi kier gradici Paseo Herencia pa inclui e seleccion aki Diabierna ultimo riba e asina yama ‘Wall of Rising Stars’”, segun e mandatario.
El a felicita tambe Aruba Dolphins cu nan competencia di ‘Open Water’, caminda cu Diadomingo 125 atleta a participa den diferente distancia, esta 1 kilometer, 2, kilometer y 3 kilometer.
Segun Croes, atleta Brita Schwengle a haci tambe un asina yama ‘Time Trial’ di 10 kilometer.
