SAN FERNANDO DE APURE: Militarnan Venezolano a logra intercepta y destrui un avion priva dedica pa traficacion di droga for di Colombia.
Esey ta loke e comandante di Forza Armada Nacional Bolivariana (FANB), esta Domingo Hernandez Lara a divulga.
Ademas di e avion Cessna cu a wordo haya na municipio Pedro Camejo di estado Apure, cu ta net na e frontera cu Colombia, e funcionarionan a haya un vehiculo cu e traficantenan ta usa.
Den nan trabao di busca y destrui pistanan clandestino di aterizahe, FANB a bin haya e avion Cessna cu matricula N87PG hunto cu e vehiculo y e pista, y un deposito. Nan a pone explosivo den e vehiculo tipo SUV, y tambe den e avion, y a explota esaki. Di Januari pa awor, nan a logra di destrui 18 avion pirata cu a wordo haya riba teritorio Venezolano.
