WILLEMSTAD: Un momento tristo pero cu yen honor y respet, tabata ora cu a tuma despedida di e oficial Toon Brood di Marechaussee na Curaçao.
Como un tributo na dje, a forma un guardia di honor dilanti kazerne di marina na Suffisant. E restonan mortal di e oficial aki, asesina durante un atraco na Curaçao, lo wordo traslada pa Hulanda pa su entiero.
Mientras tanto riba Diabierna cu a pasa, e delincuente di inicial C.C.N. di 25 aña di edad naci na Curaçao, a bay entrega su mes na Warda di Polis na Rio Canario.
El a haya sa cu Polis ta buscand’e pa e atraco violento aki cu a socede den Reigerweg dos siman pasa, cu a ocasiona morto di e oficial di Marechaussee.
A detene mesora, y present’e dilanti Fiscal Auxiliar, kende a duna ordo pa e keda deteni. E investigacion ta sigui.
