ORANJESTAD (AAN): E siman aki, Gobernador Alfonso Boekhoudt, a ricibi siete miembro di e
vaste kamer commissie pa Koninkrijksrelaties di e Tweede Kamer. Esaki a socede na Cas Ceremonial di Gobernador pa un audiencia den cuadro di un bishita di trabou na e parti Caribense.
E bishita di trabou aki ta tuma luga di 18 pa 23 di oktober 2026. Presente tabata: Sra. Mikal Tseggai (PRO), Sra. Renate den Hollander (VVD), Sra. Annabel Nanninga (JA21), Sr. Tijs van den Brink (CDA), Sra. Anouschka Biekman (D66), Sra. Heera Dijk (D’66), y Sra. Albrechta Puts (commissiegriffier).
E miembronan di e comision a wordo acompaña pa un delegacion di Representacion di Hulanda na Oranjestad (VNO), entre nan Sr. Vincent Storimans, Hefe di Representacion di Hulanda na Oranjestad. E potret aki pa cortesia di Kabinet Gouverneur Aruba.
