Opinion --- Si tin un “Openbaar Ministerie” (O.M ) cu su empleadonan ( polis/ recherche ) den un structura pa investiga y persigui tur accion contra Leynan Penal y Civil,
di con no tin un instancia ( otro cu O.M ) pa investiga y persigui accionnan di Gobierno/Minister/Empleado Publico contra Leynan administrativo otro cu Leynan Penal y Civil?
Den e sistema politico di Aruba caminda votado tin UN voto SO , no ta posibel logra separacion di e podernan ( Gobierno y Parlamento ) , algo cu ta necesario pa por realisa control efectivo y pa por proteha e ciudadano contra mal uso di poder di Ministernan y di empleadonan publico.
E sistema politico di Aruba caminda un mayoria di Parlamentario ta apunta nan propio coleganan di partido como Minister , a resulta di ta E fuente y E origen di tur corupcion cu , pa medio di tecnica moderno di informacion , ya no por keda scondi mas na Aruba.
Si Aruba kier caba cu corupcion , Aruba mester cuminsa na duna e votadornan un di dos voto pa eligi un Gobierno banda di e actual eleccion di Parlamento y asina habri e posibilidad pa crea un Parlamento cu poder , cu menos dependencia y cu mas libertad pa controla si Gobierno/Minister ta tene su mes na “Ley” y na “bon Gobernacion”.
Actualmente e mayoria di Parlamentario no por y no ta worde permiti pa partidonan politico (complice di corupcion ?) pa controla y sanciona Gobierno/Minister.
Sin un di dos voto y sin un eleccion apart pa Gobierno , Aruba lo keda den gara di partidonan politiconan ( complice di corupto? ) cu lo sigui manipula Parlamento di moda cu Gobierno/Minister por sigui cu mal maneho y por sigui sconde cosnan cu no mag di mira luz di dia.
No ta straño cu actualmente no ta existi ningun instancia independiente cu por señala , constata , persigui y condena Ministernan cu actua contra Leynan administrativo ?
Por o no por haci uso di LAR ( Landsverordening Administratieve Rechtspraak ) , adapta si ta necesario, pa husga y condena infraccion contra Ley nan administrativo cu no ta cay bou Leynan penal y civil ?
Coleganan di partido y coleganan Minister ta tolera/permiti actuacion contra Ley pa despues nan mes no confronta y worde acusa di e mesun cos !
Te hasta empleadonan publico , cu miedo pa perde nan trabou , ta worde manipula y usa pa desvia di ley y reglamento nan.
Ta berdad toch cu Aruba a bay di “HAPPY” pa “CORUPTO” ?
