Frans Ponson, Presidente di CUA:
ORANJESTAD (AAN) – Comerciantenan Uni Aruba (CUA) a yega di papia cu stakeholders di Caya Grandi, riba e tema di abandono di e area comercial aki.
Frans Ponson, presidente di CUA, a bisa cu Aruba tin un Caya Grandi abandona, y e ta puntra “Ki mishi e mainstreet di bo pais ta abandona y nunca gobierno, a tuma accion”.
Segun Ponson, e comerciantenan di Caya Grandi no tin e tools pa tuma accion, pero Gobierno si, y pueblo mester bisa cu esaki enberdad ta un topico, y cu asina aki no ta yega na nada y mester handle pa gobierno tuma accion.
Ponson ta convenci cu riba e tema aki mester bin un dialogo social cu tur e gremionan, incluyendo FCCA, gobierno, Asociacion Bancario, pa yuda haci algo riba e topico aki.
El a reitera e problema cu vivienda y cu si no haci algo stranheronan ta bay cumpra tur tereno na Aruba pasobra pa nan ta barata. “Mi no tin problema cu esey, bo ta wak cu den paisnan grandi bo ta wak cu nan ta move e pueblo. Pero na Aruba unda bo ta bay mov’e? No tin caminda pa bo mov’e. Unico caminda ta sinta cu FCCA, por ta gobierno ta bisa ‘ban traha yen di towel y e pueblo ta hay’e den un cos chikito pasobra full e Isla aki ta wordo tuma pa hende di afo. Atrobe, con pa resolve nos no sa!”, Frans Ponson ta insisti.
Frans Ponson sa cu na Aruba tin hopi sorto di problema social, pero e no ta extende den e tema, pero e vivienda ta un topico grandi pasobra ta toca e hendenan local, e Arubiano y esnan cu a residencia na Aruba, cu ta traha y paga belasting.
