Rudy Leysner di Fundacion Movimento ta Bida:
ORANJESTAD (AAN) – Señor Rudy Leysner, di Fundacion Movimento ta Bida (FMTB), a duna di conoce den un entrevista, cu actualmente tin un tayer di trabao titula “Con pa tene buki”, organiza pa Fundacion Hunto Grandi, Grandi Hunto, cu e mentor a tuma encargo pa traha esaki.
Leysner a bisa cu e mentornan nan tarea ta pa guia e grandinan di 60 plus, cu tin actualmente e 28 gruponan. Pues, ta bay tin diferente capacitacion di gruponan, nan ta sostene e gruponan, y pa nan haya mas informacion cu por pasa over na nan gruponan.
El a bisa tambe cu nan idea tempo cu a cuminza, 13 aña pasa, e ta parti di actividad fisico, pero e idea a cambia hopi mas cu actividad fisico, cu ta hopi importante, pero e parti social cu a tuma over completamente, cu ta e parti mas grandi.
“Pasobra bo por a haci actividad fisico, pero e parti social cu tambe ta pertenece, eigenlijk mester ta un acercamento holistic.
Den ‘approach holistic’ bo mester tin tur cos inclui pa e concepto di ‘acting aging’ encera tur cos y esey nos ta trahando riba dje” Rudy Leysner a relata.
E concepto di “acting edging” ta cu e persona adulto mayor, por ehemplo, mester keda activo y participa den sociedad. “Bo por ta activo den bo mes, pero tambe bo por trece bo voz dilanti y busca bo derechonan di cosnan cu kizas no ta bay bon pa e adulto mayor. Keda activo ta hopi importante y por wak cu nan ta bay mas largo tambe y cu e proceso di envehecemento ta bira mas lento” Leysner a subraya.
El a agrega cu ora un hende bira grandi e kier ta den contacto cu otro hende. Na momento cu un adulto mayor ta bay encera su mes y no a haci nada, patras e ta bay. “E dos mentornan a demostra e tareanan cu nan ta haci den e comunidad, apoyando e 28 gruponan 60 plus, y awo nan a duna e tayernan di trabao”, señor Rudy Leysner a indica.
