ORANJESTAD (AAN): Algun becado ya caba a viaha riba nan mes rumbo pa Hulanda.
Diasabra venidero lo bay tin un grupo chikito saliendo pa Hulanda, y otro siman Diamars e lo bay ta un grupo mas grandi.
Kico e studiantenan a escoge mayoria pa bay studia den exterior e biaha aki? Informacion ricibi di Sharine Croes-Dubero di Departamento di Enseñansa, ta indica cu hopi di nan a bay pa studia ‘International Business’, ‘Business Management’, ‘Creative Business’.
Algo cu a hala atencion e aña aki ta hopi studiante a escoge pa bay studia ‘Arte’ den exterior, e.o. musica y dansa. E ta hopi notable cuanto becado a pidi Arubalening pa bay studia esey.
Tambe a nota cu hopi alumno a escoge pa bay studia Agricultura y Horticultura na Hulanda. Pues e estudio di ‘farming’ ta birando popular como cu mas peticion ta drentando den e direccion aki.
