ORANJESTAD (AAN): E proyecto di embeyecimento na Baby Beach ta sigui progresa exponencialmente.
Den siman, e matanan di coconan a yega, y mesora a planta nan den nan lugar destina, pa asina e area worde haci mas bunita.
Segun DOW a informa, e asfaltamento a keda cla y awor lo bay caba cu e trabaonan di klinker riba e aceranan.
Algo hopi notable ta cu e trabaonan di e trapi ta casi cla tambe. Ora cu e parkinglot y e trapi keda cla, DOW lo bay pa renoba e cancha di tennis cu tin net eybanda.
