Segun Francis Quandt Hefe Departamento di Keur:
ORANJESTAD (AAN): Cifranan ricibi for di Hefe di Departamento di keur, señor Francis Quandt, ta indica cu na aña 2025, un total di 20.205 auto a pasa door di e proceso di keur. Di cual, 14.902 a keur bon y 5.303 no a keur. Segun el a informa, tin hopi auto no ta den condicion pa keur bon sea auto bieu of autonan cu no ta bon manteni.
Señor Quandt a remarca cu tin auto no a bay keur pa hopi aña entre otro recientemente, door di a haya boet, DTI a haya un auto cu no a keur desde 2005, esta 21 aña sin keur. Den e caso aki, e auto a keur pa motibo cu e tawata den bon condicion pa keur.
El a indica, cu esnan cu no a keur nan auto pa hopi tempo, no mester paga pa e añanan cu e no a keur su vehiculo. Solamente e mester paga e aña actual y ta paga AWG.50,-. Den caso cu a wordo afgekeurd, e ciudadano ta haya 30 dia pa drecha loke no a keur bon riba e auto y no mester bolbe paga.
