RIOHACHA: Un cargamento gigantesco di marihuana cu a pisa mas di 1 ton,
a wordo confisca riba e caminda conoci como ‘Troncal del Caribe’ door di Polis di Trafico, cu ta vigila e pida caminda di Palomino pa Riohacha. Nan a stop un Chevrolet D-Max pa haci control, cerca di e area di Ebanal.
Pero e chauffeur no a obedece e ordo, y a huy. Polis a cuminza cu un persecusion y como 10 kilometer mas leu, el a para e auto un banda y baha y huy den mondi cerca di hanchi di Santa Rita.
Ora cu a bay revisa e vehiculo, a haya 24 bulto cu 48 paki cada uno. Ora cu a pisa e droga, esaki a yega na un total di 1.056 kilo. E marihuana aki tabata destina pa bay e area di Alta Guajira, pa despues wordo hiba via boto pa islanan den Caribe.
