ORANJESTAD (AAN): Diabierna mainta, bisiñanan a yama DIARIO pa mustra cu ta parce cu e racha di destruccion riba e Linear Park a lo largo di Lloyd G. Smith Boulevard rumbo pa Malmok no a finaliza.
Hendenan anti-social keto bay ta pasa comete fechoria, djis pa diverticion of kizas pa baha nan rabia riba e palonan miniatura di luz cu tin poni riba e pista di cana cu tin riba e linear park.
Den pasado a splica cu den e area ey no por pone palonan halto di luz. Pesey a escoge pa pone esakinan.
Sinembargo tin hende cu ta pasa scop of usa forza pa destrui nan, y cu ki meta sigur ta algo cu hamas lo bay haya sa. Te ainda no a logra haya sa si ta mesun grupo, of mesun hende ta destrui esakinan.
E ta yuda haci e area demasiado scur tambe, cu ta un peligro pa esnan cu ta cana, jog, of core bicicleta riba e pista aki.
